«Павлодар-Водоканал» ЖШС-нің мәліметінше, сағат 05:54-те «Атамекен» қосалқы стансасындағы апат салдарынан Оңтүстік су тарту стансасына баратын 110 кВ электр желісінде кернеу төмендеген.
Соның нәтижесінде шаруашылық-ауызсу жүйесіне қызмет көрсететін барлық сорғылар тоқтап, қалаға берілетін су қысымы айтарлықтай төмендеген.
Қазіргі уақытта сорғы қондырғылары қайта іске қосылды. Мамандардың айтуынша, су қысымын толық қалпына келтіруге шамамен екі-үш сағат қажет болады.
«Павлодар-Водоканал» ЖШС тұрғындардан уақытша қолайсыздықтар үшін кешірім сұрады.
