«Қазақ газеттері» жауапкершілігі шектеулі серіктестігі – еліміздегі ең ірі және беделді медиа құрылымдардың бірі. Серіктестік құрамында қоғамдық-саяси, әдеби-мәдени, балалар мен жастарға арналған, ғылыми-танымдық бағыттағы жетекші басылымдар бар.

Серіктестік құрамына кіретін басылымдар:

• «Егемен Қазақстан» – еліміздің басты қоғамдық-саяси газеті. Ресми ақпарат, мемлекеттік саясат және ел өміріндегі маңызды оқиғаларды жариялайды.

• «Казахстанская правда» – орыс тіліндегі мемлекеттік ресми басылым. Елдегі әлеуметтік-экономикалық және саяси жаңалықтарды қамтиды.

• «Ана тілі» – ұлттық рух пен мемлекеттік тіл мәртебесін көтеруге арналған басылым.

• «Ақиқат» журналы – қоғамдық-саяси, ғылыми-танымдық, сараптамалық журнал.

• «Мысль» журналы – қоғамдық ой-пікір мен ғылыми-философиялық мазмұндағы үш тілде (қазақ, орыс, ағылшын) шығатын журнал.

• «Уйғур авази» – еліміздегі ұйғыр ұлтының қоғамдық, мәдени тыныс-тіршілігін насихаттайтын ұлттық газет.

• «Ұлан» – жасөспірімдерге арналған апталық газет. 

• «Дружные ребята» – орыс тілінде шығатын балаларға арналған танымдық газет.

• «Балдырған» – мектеп жасына дейінгі және бастауыш сынып оқушыларына арналған балалар журналы.

• «Ақ желкен» – жасөспірімдер мен жастарға арналған танымдық, әдеби-көркем журнал.