Бастаманың қолдау табатынына сенім мол

Шығыс даналығында айтылатынындай, ұлы адам басқарған ел ұлы жетістіктерге жетеді. 25 жыл ішінде Тәуелсіз Қазақстан Республикасының дамуына өлшеусіз үлес қосқан Президент Нұрсұлтан Назарбаев осындай басшы. Қазір Қазақстанда бар­лы­ғы өз кезегімен, рет-реті­мен жүзе­ге асырылып жатқа­нын көріп отырмыз. Соған қара­мас­тан, біз Нұрсұлтан Назарбаевтың билік тармақтары арасында өкілеттіктерді қайта бөлу мәселелері жөніндегі Үн­деуін оқыған кезде Қазақ­стан Көшбасшысының өз мем­­ле­кетін алдағы жылдарда дамытуды көздейтін жаңа бас­тамасының мән-маңы­зын түсін­дік. Біз, халық дипло­ма­тия­сының өкілдері – «Тәжік­стан-Қазақстан» достық қоға­мы­ның мүшелері Қазақстан Рес­публикасы Президентінің Үндеуіне үн қосқанды жөн көрдік, себебі, Қазақстанның өсіп-өркендеп, гүлденгеніне әрқашан қуана қараймыз. Бүгінгі таңда Қазақстан мемлекеттік басқарудың қағи­датты мәселелерін шешу үс­тінде. Мемлекет басшысының Үн­деуінде Президент өкілет­тігінің бір бөлігін беру арқылы заң шығарушы және атқарушы билік тармақтарын күшейту мәселелері айтылған. Осы қадам арқылы елдің одан әрі дамуына кедергі келтіруі мүм­кін бөгеттердің барлығы алынып тасталады. Президент сөзінде күшті пре­зиденттік билік 25 жыл ішінде өзінің міндетін табысты орындағанына тоқталды. Енді билік құрылымдарын нығайту үшін Президенттің қырыққа тарта өкілеттігі қайта бөлінбек. Бұл орайда, конституция­лық реформалар басқару жүйе­сі­нің тиімділігін арттыру­ға бағытталып отырғанын ерекше атап көрсету керек. 25 жыл ішінде Қазақстан Нұрсұлтан Назарбаевтың сарабдал басшылығымен жаңа мемлекет, жаңа экономика, жаңа қоғам құрды. Ендігі уа­қыт­та елді тиімді басқару жүйе­­сін қалыптастыру мақ­сатын­­да конституциялық рефор­маларды қолға алып отыр. Прези­дент Үндеуде: «Қазірдің өзінде біз алдағы кезең алдымызға міндетті түрде көлденең тартатын жаһандық және өңірлік сын-қатерлерге қалай қарсы тұратынымызды ойластыруға тиіспіз», деген болатын. Бұл Президент Н.Ә.Назарбаевтың жаһанның тамыр соғысын дер уақытында сезіп, заман талаптарына жылдам жауап қата алатынын көрсетеді. Сонымен қатар, Үндеуде ұсынылған конституциялық реформалар бірінші кезекте Қазақстанның өзіндік тәжі­рибесі мен сұраныстарына арқа сүйейтіні туралы атап өтілді. Сөз жоқ, бұл реформа Қазақстанның демократиялық бағытта дамитынын көрсетеді. Елдің Парламенті мен Үкіметін нығайту мақсатында Президенттің өз өкілеттігінің бір бөлігін қайта бөлуді ұсы­нуы бұрын-соңды әлемдік тәжірибеде болып көрмеген құбылыс. Ол қазақстандықтар тарапынан бірауыздан қызу қолдау табады деген ойдамыз. Қазақстан Тәжікстан­ның сенімді стратегиялық әріп­тестерінің бірі болып табылады. Біз достық қаты­настағы Қазақ­станның одан әрі өсіп-өркен­деуіне, демо­кратиялы бағытта дамуына тілектеспіз. Әбдусаттор НУРАЛИЕВ, «Тәжікстан-Қазақстан» достық қоғамының төрағасы, профессор