Фото: Krisztian Bocsi/Bloomberg
Bloomberg агенттігінің мәліметінше, қаңтар айында компания директорлар кеңесі Маскке нәтижеге негізделген 1 миллиард Class B санатындағы акция бөлген. Бұл пакет 15 бөлікке бөлінген. Толық сыйақыны алу үшін компанияның нарықтық құны 7,5 трлн долларға жетіп, Марста кемінде 1 миллион адам тұратын тұрақты колония құрылуы қажет.
Қазір Маск компаниядағы дауыс беру құқығының 85,1% иеленіп отыр. Бұл оған SpaceX-тің жасанды интеллект, спутник және ғарыштық ұшыру стратегиясын толық бақылауда ұстауға мүмкіндік береді.
Өткен жылы кәсіпкер қазіргі және бұрынғы қызметкерлерден 1,4 млрд доллар көлемінде акция сатып алып, компаниядағы үлесін ұлғайтқан.
Сонымен қатар былтыр қарашада Маскке нәтижеге тәуелді тағы 302,1 миллион акция берілген. Бұл акциялар 12 кезең бойынша рәсімделеді.
Аталған сыйақыны алу үшін компанияның нарықтық құны 6,565 трлн доллардан асуы және Жерден тыс кеңістікте жылына 100 тераватт есептеу қуатын қамтамасыз ететін деректер орталықтарын іске қосуы керек.
Tesla Inc. басшысы болып саналатын Маск жетекшілік ететін SpaceX келесі айда рекордтық IPO өткізуді жоспарлап отыр.
Бұған дейін Илон Маск Францияда қамауға алынуы мүмкін екені туралы хабарлағанбыз.
