Сарапшы «Қайрат» пен «Астананың» Суперкубок финалындағы кездесуіне болжам жасады

Қазақстандық сарапшы Ағаділдә Қасенов «Астана» мен «Қайрат» арасындағы матч жайлы ой бөлісті. Бұл туралы vesti.kz хабарлады. «Еліміздің қос мықты командалары ойнайды. Сондықтан матчтың тартысты өтетініне күмәнім жоқ. Егер ауа райы қолайлы болса, стадионға біраз жанкүйердің келері анық. Мұндай матчта нақты бір команданың жеңісіне сенім арту қиын. «Қайрат» өз алаңында ойнағандықтан, жанкүйерлерінің қолдауы көмегін тигізері белгілі. Өткен маусымдағы сәтсіздіктерінің орнын толтырады деген ойдамын. Меніңше, 2:1 есебімен «Қайрат» жеңіске жетеді», – деді сарапшы. «Астанадан» Рохер Каньяс кетті. Бұл да кері әсерін тигізбей қоймайды. Команданың өткір шабуылдары көбіне осы колумбиялық футболшыдан бастау алатын. Әсіресе, қорғаныс пен шабуылды жалғастыратын бірден бір маңызды ойыншы болатын. Оның орны ойсырап тұрады. Бірақ футболдың аты футбол. Күтпеген жайттардың да болып тұру қалыпты жағдай. Бәлкім, Иван Маевский өзін жақсы қырынан көрсетіп қалар», – деді ол. «Каньястың соңғы маусымда сәтсіз өнер көрсетіп жүргені байқалды. Елордалықтар оны жалға беріп, дұрыс қадам жасады. Ал Маевскийдің қаншалықты білікті ойыншы екенін уақыт көрсетеді. Станимир Стойловтың үмітін ақтайды деген ойдамын», – деді Қасенов. «Қайрат» трансферлік уақытта қажет ойыншылармен толықты. Жеңіске деген құлшыныстары да байқалады. Алматылықтар биыл ел чемпионатында топ жарады деп ойлаймын. Чемпион атанатын кезі келді», – деді ол. Айта кетейік, қос команда 4 наурыз күні Алматыдағы Орталық стадионда Қазақстан Суперкубогын сарапқа салады. Матч Астана уақыты бойынша сағат 15:00-де басталады.