Фото: Ашық дереккөз
Сарапшылардың айтуынша, қазіргі уақытта Қазақстандағы бастапқы тұрғын үй нарығы тепе-теңдік жағдайында тұр. Бағаның күрт көтерілуі байқалмайды, керісінше, кейбір өңірлерде тіпті төмендеу тіркелген.
Қай қалаларда баға өзгерді?
Наурыз айында жаңа үйлердің бағасы бірнеше қалада өскен:
- Астана – +2.2%;
- Ақтөбе – +1.4%;
- Павлодар – +1%;
- Алматы – +0.4%;
- Қарағанды – +0.4%.
Ал кейбір өңірлерде баға керісінше төмендеді:
- Ақтау – 1.5%;
- Атырау – 0.6%;
- Қонаев – 0.4%.
Көптеген өңірде айлық динамика өзгеріссіз қалды. 2026 жылдың наурызында ел бойынша жаңа үйлердің орташа бағасы 612 315 теңгені құрады.
- Астана – 731 990 теңге;
- Алматы – 722 400 теңге;
- Шымкент – 535 036 теңге;
- Атырау – 532 205 теңге;
- Орал – 326 259 теңге;
- Ақтөбе – 345 933 теңге;
- Көкшетау – 350 712 теңге.
Соңғы бір жылда жаңа үйлердің бағасы орта есеппен 16.6% өскен. Ең жоғары өсім – Астана (+20.7%), Алматы (+20.2%) және Ақтөбе қалаларында (+20%) тіркелген.
