Фото: Siemens/GCRTA
Қоғам талқысына шыққан LRT жобасында құрылыс 2027 жылдың II тоқсанында (сәуір айында) басталып, 2029 жылдың сәуірінде аяқталады деп жазылған.
Жобаның басталу уақыты мемлекет бөлетін қаржыға байланысты. Құрылыстың жалпы мерзімі – 24 айды құрайды. Оның ішінде дайындық кезеңі (үйлерді бұзу және инженерлік желілерді көшіру жұмыстарын қосқанда) – 7 ай.
Бірінші желінің алғашқы кезеңі Алматының негізгі көлік дәліздерін байланыстырады. Трасса Алатау ауданындағы индустриялық аймақта орналасатын деподан басталып, кейін оңтүстік бағытта Б. Момышұлының бойымен Төле биге дейін барады, одан соң Төле би көшесімен шығысқа қарай Абылай хан даңғылына дейін созылады. Сол жерден Алматы-2 теміржол вокзалына түседі. Соңғы аялдама «Райымбек батыр» көлік торабының жанында болады.
Бірінші кезеңнің ұзындығы – 17.893 шақырым, жолаушы платформасының саны – 34, аялдамалар аралығының орташа қашықтығы – 700 м.
LRT-ға кассирлер керек: CTS компаниясы үміткерлерге қандай талап қойып отыр?
