Аршалы ауданы әкімдігінің мәліметінше, жеке тұрғын үйде қосымша орнатылған котельная бөлмесінде шамамен 10 шаршы метр аумақта жылу қазандығы жарылған. Өрт шықпағанымен, қабырғаның бір бөлігі ішінара құлаған.
«Оқиға салдарынан 1974 жылы туған азамат зардап шекті. Ол Астанадағы №1 көпсалалы облыстық ауруханаға жеткізілді. Науқасқа медициналық көмек көрсетіліп, жабық бас-ми жарақаты диагнозы қойылды. Тексеруден кейін науқас амбулаториялық емделуге жіберілді. Сонымен қатар Жибек Жолы ауылында «ҚазАрт» ЖШС-де де жылу қазандығы жарылды. Бұл оқиғада ешкім зардап шеккен жоқ. Оқиға орнына Аршалы ауданы Төтенше жағдайлар бөлімі мен Жибек Жолы ауылының авариялық бригадасы дереу шықты», деп хабарлады әкімдіктің баспасөз қызметі.
Қазіргі уақытта оқиғаның себебін анықтау үшін тергеу және операциялық іс-шаралар жүргізіліп жатыр. Оқиға орнында ТЖ бөлімінің қызметкерлері мен полиция жұмыс істеп жатыр.
Жағдай атқарушы органдардың бақылауында.
