Аймақтар • 14 Сәуір, 2020

Маңғыстау: Ереже бұзған 129 көлік айып тұрағына жабылды

490 рет

көрсетілді

1 мин

оқу үшін

Covid-19 инфекциясының таралуына жол бермеу мақсатында елімізде жарияланған Төтенше жағдай аясында жүргізілген рейд нәтижесінде 2020 жылдың 16-наурызынан бастап 129 көлік режимді бұзғаны үшін көлік тұрағына орналастырылды. Бұл туралы Маңғыстау облысының қоғамдық коммуникация орталығы хабарлады.

Гүлайым ДӘУІТБАЙ

Маңғыстау: Ереже бұзған 129 көлік айып тұрағына жабылды

Облыста карантин басталғаннан бері 224 адам әкімшілік жауапкершілікке тартылып, оның ішінде 41-і қамауға алынды, 31 тұлғаға айыппұл салынған.

Сондай-ақ, шектік уақыттан кейін көшеде себепсіз жүргені үшін 84 адам ҚР әкімшілік жауапкершілікке тартылды. Нәтижесінде біреуі қамауға алынып, 23 адамға айыппұл салынды.

Бүгінгі таңда полиция бөлімшесінің барлық қызметкерлері жаяу және жол-патрульдік жұмыстарға жұмылдырылды. Ұлттық гвардия әскерлері тұрғындарға үйде болу қажеттілігі туралы түсіндіру шарасына тартылды. Облыста 8 блоктық және 7 жылжымалы посттар ұйымдастырылды.

Маңғыстау облысы