Кішкентай бүлдіршіндерді Маңғышлақ вокзалынан облыстық білім басқармасының өкілдері күтіп алып, оларды Ақтау қаласынан 43 шақырымдағы теңіз жағалауында орналасқан «Алау» жазғы сауықтыру лагеріне орналастырды. Жазғы сауықтыру барысында балаларға экскурсиялар, шығармашылық және танымдық шаралар ұйымдастырылады. Балалар Ақтауда екі апта демалады.
- Біз кішкентай қонақтарымызға жазғы сауықтыру лагерде жақсылап демалуын тілейміз. Балалар жолда жақсы келгендерін айтты. Бірі бірінші рет келсе, енді бірі Каспий теңізге келіп шомылған екен. Араларында бір үйден 2-3 бала бар. Оларға барлық жағдай жасап, оларға қажетті заттармен қамтылғанын қадағалаймыз. Тамыз айында Арыс қаласынан 50 бала «Балдәурен» лагеріне демалуға келеді, деді облыстық білім басқармасы басшысының орынбасары Айжақсы Тұржанова.
