Таразы басы теңесті

Кеше Құрлықтық хоккей лигасының плей-офф кезеңінде Астананың «Барысы» өз айдынында Челябінің «Трактор» командасын қабылдап, 1:2 есебімен жеңіліп қалды. Мұның алдында «Барыс» қарсыласын 3:1 есебімен ұтқан болатын. Ол ойындағы бірінші шайба алғашқы кезең аяқталар тұста соғылды. Айдын иелерінен бір ойыншы кемдігін тиімді пайдаланған Дмитрий Пестунов «Тракторды» алға шығарды. Үзі­ліс­те бапкер Эдуард Занко­вецтен жаңа нұсқаулар алған «Барыс» хоккейшілері бірден шабуылға көшіп, 24-минутта таразы басын теңестірді. Ойыншы басымдығы кезінде Найджел Доус мергендігімен танылды. Өз жанкүйерлерінің алдында өнер көрсеткен астаналықтар үшінші кезеңде қарсыластарын екі мәрте қапы қалдырды. Алды­мен, Найджел Доус 41-минутта екінші шайбасын соқса, кездесудің аяқталуына санаулы минуттар қалғанда Кори Тривино бос қақпаны дәл көздеп, соңғы нүктені қойды. Сонымен, екі команда ара­сындағы жалпы есеп 2:2 болды. Плей-офф тәртібі бойынша төрт мәрте жеңіске жеткен ұжым келесі кезеңге жолдама алады. Аян ӘБДУӘЛИ, «Егемен Қазақстан»