Uchet.kz мәліметінше, кәсіпкерлер тіркеу деректерін eLicense.kz порталы немесе кейбір екінші деңгейлі банктердің мобильді қосымшалары арқылы жаңарта алады.
Қызметті пайдалану үшін кәсіпкер порталға электронды цифрлық қолтаңба немесе SMS-пароль арқылы кіруі қажет. Одан кейін жеке кәсіпкерліктің тіркеу деректерін өзгерту қызметін таңдап, жаңа атауды енгізеді. Өтініш электронды қолтаңбамен расталып, автоматты түрде мемлекеттік кірістер органдарына жолданады.
Жүйе өтінішті тексерген соң, жаңартылған мәліметтер мемлекеттік деректер базасында автоматты түрде өзгертіледі.
Тіркеу деректерін жаңарту тәртібі Қазақстанның Салық кодексінің 80-бабына сәйкес жүргізіледі. Заң бойынша кәсіпкерлер тіркеу деректері өзгерген жағдайда бұл туралы 10 жұмыс күні ішінде хабарлауға тиіс.
