Фото: NASA, bbc.com/russian
NASA мәліметінше, миссия экипажы бұрын-соңды пилотталған ұшуларда тіркелген ең үлкен қашықтыққа жетті. «Аполлон-13» миссиясы экипажы 1970 жылы 248 655 миль (400 171 км) қашықтыққа дейін жетсе, «Артемида-2» миссиясы 252 756 мильге (406 771 км) дейін алыстап, бұл көрсеткішті шамамен 6,5 мың км-ге арттырды.
Миссия барысында экипаж Айдың көрінбейтін жағының үстімен ұшып өтті. Ғарыш кемесі «Орион» Ай бетіне шамамен 6550 км қашықтықта жақындап, астронавтарға аймақты егжей-тегжейлі бақылауға мүмкіндік берді.
11 күн қалды: NASA Айға арнайы экипажды ұшыруға рұқсат берді
Ғарышкерлерге тек бақылау ғана емес, сонымен бірге сурет салу және көргендерін дыбыстық форматта сипаттау тапсырылған. Бұл ғылыми зерттеулер үшін қосымша деректер жинауға мүмкіндік береді.
Ұшу кезінде маңызды сәттердің бірі – байланыс үзілісі болды. Жердегі басқару орталығы Хьюстонда ғарыш кемесі Айдың арғы бетіне өткен кезде 40 минут бойы байланыс жоғалған.
Кейіннен байланыс қайта қалпына келіп, алдымен радиосигнал, одан соң деректер және астронавт Кристина Кохтың дауысы естілді.
«Хьюстон, «Интегрити», байланыс тексеріліп жатыр. Жерді қайта есту қандай керемет», деді ол.
Жоғалған экипажды табу үшін бар күшімізді саламыз - Қорғаныс министрі
Қазіргі таңда экипаж Жерге қайту жолында жүр. Ғарышкерлер сапар барысында күннің тұтылуын бақылап, фото және видеоға түсірген.
Жоспарға сәйкес, миссия шамамен 4 күннен кейін аяқталады. 11 сәуірде, Гринвич уақыты бойынша 01:07-де ғарышкерлер Тынық мұхитының АҚШ-тың батыс жағалауына қонады деп күтіледі.
«Артемида-2» миссиясы нәтижелері адамзаттың Айды игеру тарихындағы маңызды қадамдардың бірі ретінде бағаланып отыр. Жаңа деректер болашақтағы Айға ұшу және терең ғарыш миссиялары үшін негіз болмақ.
