Фото: Спортты дамыту дирекциясы
Ұлттық құрама көшбасшысы, Токио Олимпиадасының қола жүлдегері Софья Берульцева (68 келіден жоғары) финалда англиялық Рошель Уолтерсті 2-1 есебімен жеңіп, қатарынан екінші Премьер-лига турнирінде чемпион атанды. С. Берульцева ақпан айында өткен Ыстанбұлдағы турнирде де алтыннан алқа таққаны мәлім.
Кумите бағдарламасында күміс медальді Әсел Қанай (61 келі) жеңіп алды. Финалда ол жапониялық Сарара Шимадаға есе жіберді. Ал 18 жастағы Мирас Әбдіқадыр (60 келі) Премьер-лига санатындағы алғашқы турнирінде үздік үштікке енді. Никита Тарнакин (84 келі) де үздік бестіктен көрінді.
Жалпыкомандалық есеп бойынша үздік үштік келесідей:
1. Жапония – 3 алтын, 2 күміс, 3 қола
2. Италия – 1 алтын, 1 күміс, 6 қола
3. Қазақстан – 1 алтын, 1 күміс, 1 қола
Италиядағы турнирде ката мен кумите бағдарламасында 66 мемлекеттен 384 спортшы бақ сынады. Алдағы Премьер-лига додасы сәуір айында Қытайда өтеді.
Қарағандылық каратэшілер әлем чемпионатында екі алтын медаль жеңіп алды
