UFC президенті: Ронда Роузи спорттан кетуі мүмкін

UFC ұйымының президенті Дана Уайт жанкүйерлерге ұйымның бұрынғы чемпионы Ронда Роузидің мансабын аяқтауы мүмкін екендігін мәлімдеді. Бұл туралы vesti.kz хабарлады. «Егер Рондамен сөйлесетін болсам, оған ары қарай жекпе-жекке шығуыңды тоқтат деп айтатын едім. Менің ойымша ол UFC-дағы карьерасын аяқтады. Ол төбелесті түбегейлі қойып, жаңаша өмір сүруге талпынып жүр. Ол UFC-ді жақсы көретін. Рейтинг, жеңіс, жанкүйерлердің қошеметі ол үшін өте маңызды еді. Бірақ соңғы кездегі сәтсіздіктерінен кейін ойын түбегейлі өзгерткен сияқты», – деді UFC президенті. «Қазір өзін басқа қырынан көрсетуге талпынып жүр.ол басқа шарулармен айналысып жүр. Спортта жүріп біраз жетістікке жетті, ақшасы да жетерлік. Сондықтан қаржы жағынан қиналады деп ойламаймын», – деді ол. «Ронда спортқа айтарлық үлес қосты. Қыздарға ММА-дің жолын ашып берді. ММА-ден қыздар арасында өткен ең айтулы жекпе-жекке қатысты. Бірақ ендігі оның кететін уақыты келген сияқты», – дейді Уайт. Айта кетейік, Ронда Роузи 2015 жылдың 15 қарашасында америкалық Холли Холмнан оңбай ұтылып, алғаш рет жеңіліске ұшыраған. Жарақатынан айығып, жекпе-жекке қайта шыққан ол 2016 жылдың 31 желтоқсанында Лас-Вегаста UFC 207 турнирінде бразилиялық Аманда Нуньестен 48 секундта жеңіліп қалды. Сегізбұрышта ол барлығы 14 кездесу өткізіп, 12 айқасында басым түскен.