20,9 млн теңге табыс: Заңсыз ойын бизнесін ұйымдастырған Сарыағаш тұрғыны сотталды

20 рет

көрсетілді

1 мин

оқу үшін

Сарыағаш ауданының тұрғыны ойын бизнесі саласында заңсыз қызмет ұйымдастырғаны үшін сотталды. Ол бірнеше үй-жайды жалға алып, онда ойын автоматтарын орналастырып, интернет арқылы тыйым салынған құмар ойындарға қолжетімділік берген. Заңсыз әрекеттен түскен жалпы табыс 20,9 млн теңгеден асқан, деп хабарлайды Egemen.kz.

Баян СҮЛЕЙМЕНҚЫЗЫ

20,9 млн теңге табыс: Заңсыз ойын бизнесін ұйымдастырған Сарыағаш тұрғыны сотталды

Фото: ДСМ

Сот оны 4 жылға бас бостандығынан айыру жазасына кесті. Алайда бастапқы сот шешімінде заңсыз алынған табысқа қатысты мәселе толық қаралмаған.

Заңсыз ойын бизнесін ұйымдастырған экс-шенеунік Түркиядан экстрадицияланды

Осыған байланысты Жоғарғы Соттың түсіндірмелеріне сәйкес іс қайта қаралды. Ережеге сай, экономикалық қызмет саласындағы қылмыстық құқық бұзушылық нәтижесінде алынған табыс кінәлі адамнан толық көлемде алынып, мемлекет пайдасына өндірілуі тиіс. Бұл талап ешқандай шығындарды шегермей, алынған барлық қаражатқа қолданылады.

Шығысқа казино қажет пе?

Бас прокуратураның кассациялық наразылығы негізінде сот актілері өзгертілді. Нәтижесінде сотталған адамнан ойын бизнесін ұйымдастыру арқылы тапқан 20 909 365 теңге мемлекет кірісіне өндірілді.