«Бүгінгі күнгі жағдай бойынша Таяу Шығыс елдері аумағынан 2 463 Қазақстан Республикасының азаматы эвакуацияланды, деп хабарлады министрліктің баспасөз қызметі.
Бұған дейін 3 наурыздан бастап Таяу Шығыс елдерінен елге 2 111 қазақстандық оралғаны хабарланған еді.
Еске салайық, Атырау қаласына Медина қаласынан (Сауд Арабиясы) қазақстандықтарды алып келген чартерлік рейс қонды. Сондай-ақ азаматтар арнайы рейстер арқылы Джидда және Дубай қалаларынан да елге қайтарылып жатыр.
Бұған қоса, кеше репатриациялық рейспен Маскат қаласынан Алматы қаласына 314 адам жеткізілді. Тағы 180 қазақстандық Таяу Шығыстан елге оралды. Сонымен қатар 167 қазақстандық Шарджа қаласынан эвакуациялық рейспен Алматыға ұшып келді.
