Фото: Ашық дереккөз
Ердоған аймақ үшін күрделі кезеңде Түркия өз шекарасы мен әуе кеңістігінің қауіпсіздігін кездейсоқ жағдайлардың еншісіне қалдырмайтынын жеткізді.
Президенттің айтуынша, Анкара НАТО-мен тығыз ынтымақтастықта барлық қажетті қауіпсіздік шараларын қабылдап отыр және қажет болған жағдайда жедел әрекет етуге дайын.
Сонымен қатар ол Түркия тарапы мұндай оқиғалардың қайталануына жол бермеу үшін барынша қатаң ескерту жасағанын атап өтті.
«Түркияның мемлекет пен халықтың қауіпсіздігін қамтамасыз етуге деген табандылығы мен мүмкіндігі ең жоғары деңгейде», деді Мемлекет басшысы.
Бұған дейін Түркияның Ұлттық қорғаныс министрлігі Иран аумағынан елдің әуе кеңістігіне бағытталған баллистикалық зымыран Шығыс Жерорта теңізінде орналасқан НАТО-ның әуе және зымыранға қарсы қорғаныс күштері тарапынан залалсыздандырылғанын хабарлаған болатын.
