Фото: Видеодан алынған кадр
Абай облыстық полиция департаментінің баспасөз қызметі таратқан ақпаратқа сәйкес, апат 31 қаңтар күні Семей – Қайнар тасжолының 62-шақырымында болды. 52 жастағы жүргізуші басқарған SETRA маркалы автобусының ішінде вахталық жұмысқа бет алған 50 жұмысшы болған.
Жолаушылар түрлі дене жарақатын алғанымен, олардың өміріне қауіп төнген жоқ. Барлығына қажетті медициналық көмек көрсетілген.
Аталған дерек бойынша тексеру жұмыстары басталып, жол апатының нақты себептері анықталып жатыр.
