Адам өміріне араша болуға арналған жабдық Түркияның алдыңғы қатарлы кәсіпорындарымен ынтымақтастықта жобаланып, жасап шығарылды және ол қауіпсіздіктің барлық халықаралық талаптары мен стандарттарына жауап береді.
Компания өкілдерінің хабарлауынша, ағымдағы жылғы көктемде 120 инженерден тұратын топ бар-жоғы 2 аптаның ішінде Ыстамбул қаласындағы Arcelik Garage - ашық инновациялық орталығында аппараттың алғашқы прототипін жобалап, тестілеуден өткізді.
Маусым айының басына қарай, оның Cerkezkoy electronics орталығында коммерциялық негізде ел ішіне және одан тыс жерлерге бөліп беру үшін 5000 аппарат жасап шығарылды.
Компанияның ИВЛ-аппаратын індеттің алғашқы кезеңінде вируспен күрес жүргізіп жатқан елдерге сыйға тарту ниеті бар. Аталған бастамашылық шеңберінде 5 аппаратты Қазақстан алды.
Қазіргі уақытта, елге жеткізілген ИВЛ-аппараттары кедендік тексеруден өтіп, Қалалық жедел шұғыл көмек көрсету ауруханасына (ЖШККА) берілді.
