Головкин Boxing News журналының мұқабасына шықты

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (36-0, 33 КО) Boxing News журналының мұқабасына шықты, - деп хабарлайды Vesti.kz. Журналдың мұқабасында Головкиннің төрт чемпиондық белбеуімен түскен суреті бейнеленген. Журналдың бұл шығарылымы қазақстандық боксшы мен америкалық Дэниэл Джейкобспен өтетін жекпе-жекке арналып, "Storm warning" ("Дауылды ескерту") деген атаумен шыққан. Сонымен қатар шығарылымда бұл кездесудің GGG-ге неліктен қиынға соғатынын және Джейкобстың неліктен жеңімпаз атануы мүмкін екені жазылған. Бір айта кетерлігі, Boxing News журналы 1909 жылдан бастап шығады. Естеріңізге сала кетсек, Головкин - Джейкобс жекпе-жегі 18 наурызда Нью-Йоркте өтеді. Жекпе-жекті "Қазақстан" және KazSport арналары көрсетеді. Трансляция 19 наурыз күні 08:00-де басталады.