Елордада жауын-шашын болмайды. Ауа температурасы түнде -1…-3 градусқа дейін төмендеп, күндіз +13…+15 градусқа дейін жылиды. Желдің жылдамдығы секундына 15-20 метрге дейін жетеді.
Алматыда күн бұлтты, жаңбыр жауып, найзағай ойнайды. Түнде +10…+12 градус, күндіз +14…+16 градус шамасында болады.
Шымкентте жауын-шашын күтілмейді. Түнде +11…+13 градус, күндіз +22…+24 градус жылы болады. Кей уақытта желдің екпіні 15-20 метрге дейін күшеюі ықтимал.
Батыс өңірлерде күн айтарлықтай жылы болады. Ақтауда түнде +16…+18 градус, күндіз +26…+28 градусқа дейін ысиды. Атырауда түнде +15…+17, күндіз +26…+28 градус.
Қарағанды мен Павлодар облыстарында түнгі уақытта -1…-3 градусқа дейін суық болады. Павлодарда жаңбыр жауып, желдің екпіні секундына 23-28 метрге дейін жетуі мүмкін.
Петропавлда жел күшейіп, ауа температурасы түнде +2…+4 градус, күндіз +15…+17 градус болады. Семейде түнде 0…+2 градус, күндіз +12…+14 градус, ал Өскеменде түнде +1…+3 градус, күндіз +11…+13 градус шамасында болады.
Оңтүстік өңірлерде күн жылы әрі ашық болады. Қызылордада түнде +8…+10 градус, күндіз +23…+25 градус күтіледі. Түркістанда түнде +12…+14, күндіз +22…+24 градус болса, Таразда күндізгі температура +18…+20 градусқа дейін көтеріледі.
Синоптиктер жел күшейетін және үсік жүруі ықтимал аймақтардың тұрғындарына сақ болуға кеңес береді.
Нұрболат АМАНБЕК
