Алакөлдің тазалығы қашан реттеледі?

Осыдан бір жыл бұрын облыс әкімі Даниал Ахметов Үржар ауданына арнайы барып, сол жұмыс сапарында Ала­­көлдің жағалауындағы де­малыс аймағын дамыту мә­селесі жөнінде алқалы жиын өт­кізген еді. Жиналысқа дема­лыс базаларының иелері, кә­сіп­керлер, мекеме басшылары қа­­тысты. Облыс әкімі соңғы кез­­де жағалауы да, жағдайы да сын көтермей кеткен Алакөлдің ер­­теңіне алаңдаушылық біл­ді­ріп, көл жағасын ретке кел­ті­ру керек­тігін бас­ты міндет қып қойды. Тіпті, облыс­тық бюд­­­жеттен қомақ­ты қара­жат бө­­лініп, ол ең алдымен, жаға­лау­­ды абаттандыруға жұмса­ла­тын­­дығынан да хабардар етті. Сөй­тіп, жиналыста белгілі бол­ған­дай, бір жылдан соң халық­ара­лық маңызы бар нысан Ала­көл­де, ға­жайып жағажай, демалыс сая­бағы, Арбат үлгісіндегі көше, ав­тобекет пен 200 кө­лік­ке ар­налған тұрақ салынатын бол­ды. Дегенмен, облыс әкі­мі Да­ниал Кенжетайұлы сол жол­ғы жиында, Алакөлдің кем­­­шіліктерін тайға таңба бас­қан­дай атап көрсетті. Мәсе­лен, көл жағалауындағы 200-ге тар­та базаның 50-і ғана заңдас­ты­рылған. Демалыс базасында ешқандай қауіпсіздік шаралары қам­тылмапты. Ха­лықтан оңай жолмен ақша алып, бірақ дем­алу­­шыларға жағдай жа­са­мауға бар­лығының еті үйре­ніп алған. Міне, осы проблемалар бір жыл бұрын нақты айтылса да, Абай атамыз айтқандай, «баяғы жартас бір жартас, қаңқ етер, түкті байқамас» дегеннің кебін киген Алакөлдің мәселесі сол күйі қалса керек. Себебі, биыл Алакөл туристерді қабыл­дай ал­майтын болды. Бұған облыс әкімі тыйым салды. Өйт­кені, осын­дағы 147 туристік ны­сан­ның 139-ы санитарлық тексе­руден өтпе­ген. Мамандар арнайы барып тексергенде белгілі бол­­ғандай, демалыс аймағында қауіп­сіздік шараларын ретке кел­тіру қолға алынбаған. Қажет­ті инфрақұрылым жоқ. Облыс әкімі Даниал Ахметов Ала­көлдің жағдайына байланысты өт­кен биылғы жиында осы проб­ле­маларды нақты көрсете келе былай деді: – Алакөлдің маңынан жаңадан құрылыс нысандарын салуға тыйым салынады. Халықтың алдында әлеуметтік жауапкершілікті сезінбей отырсыздар. Жеңіл жолмен ақша тауып, қалтаға басқанды ғана білесіздер. Тіпті ас ішіп, ауқаттанатын мейрамханалардың да барлығы талапқа сай емес. Был­тыр да осы, биыл да осы. Осы­лай күн көріп, қосымша бюд­жеттің де бүйірін соруға үй­р­еніп алған сияқтысыздар. Ала­көл­дің маңын тәртіпке, ретке кел­тірмей, сіздерге бірде-бір тиын берілмейді. Былтырғы айт­қан нұсқауды, тапсырманы орын­да­ңыздар. Десе де, облыстық әкімдік туристік бизнесті дамыту үшін деп 550 млн теңге бөлген екен. Бұл қаржы жеке-жеке үй тұрғызып алған кәсіпкерлерге емес, жал­пыға ортақ халық демалатын жа­ға­жайды жөндеп, жолды ретке кел­тіруге берілетін болды. Үржар ауданының әкімі Серік Зай­нулдиннің журналистерге берген ақпаратына келсек, Алакөлдің болашағы зор. Туризм кластерін құру бойынша іс-тәжірибелері мол стратегиялық инвесторларды тарту да ойларында бар. Демек, заманауи мейрамхана, қонақүй, сауда-логистикалық кешен, сау­да үйі, асхана, шағын маркет, автосервис қызметі бір жерде шоғырланбақ. Бірақ, облыс әкімінің бұл көл­ді сынға алып отырғаны дұ­рыс, дейді қарапайым халық. Көл­дің тазалығы сын көтер­мей­тіндігі рас. Бұл тек Шығыс Қа­зақ­стан облысына ғана қатыс­ты емес, Алматы облысына да қа­тысты. Олай болса, Алакөлде заман талабына сай тәртіп орна­татын уақыт келген сияқты. Қо­лымыздағы алтынның қадірін уа­қытында бағалай білсек бол­ғаны. Раушан НҰҒМАНБЕКОВА Шығыс Қазақстан облысы, Үржар ауданы