Өзбекстанның Наманган қаласында өткен гүлдер фестивалі Гиннестің рекордтар кітабына тіркелді, деп хабарлайды Egemen.kz.
Ұйымның ресми сайтындағы мәліметке сәйкес, фестиваль үшін бір ай ішінде 29,4 миллионнан астам гүл отырғызылған. Ал рекорд орнату үшін қойылған ең төменгі талап – 1 миллион гүл болған.
Осылайша Наманган «Бір ай ішінде ұжымдық түрде ең көп гүл отырғызу» номинациясы бойынша әлемдік рекорд жасады.
Гүлдер фестивалі 24 мамыр мен 12 шілде аралығында өтеді. Ұйымдастырушылар іс-шараға шамамен 5 миллион адам келеді деп отыр.
Еске салайық, елімізге Өзбекстаннан жеткізілген 5 мыңнан астам гүл кері қайтарылды.