АҚШ президенті Дональд Трамп күтпеген жерден Польшаға қосымша 5 мың америкалық әскер жіберетінін мәлімдеді. Бұл мәлімдеме Еуропадағы америкалық әскери қатысуды қысқарту жоспарына байланысты Варшава мен Вашингтон арасындағы елеулі шиеленістерден бірнеше күн өткен соң жасалды, деп хабарлайды Egemen.kz.
«Польшаның қазіргі президенті Кароль Навроцкий сәтті сайланғанына және менің оны мақтанышпен қолдағаныма, сондай-ақ біздің қарым-қатынасымызға байланысты, Америка Құрама Штаттары Польшаға қосымша 5000 сарбаз жіберетінін қуана хабарлаймын», деп жазды Трамп әлеуметтік желіде.
Алайда Трамптың мұндай шешімді неге дәл қазір жариялағаны түсініксіз күйінде қалып отыр. Себебі Польша президенті Кароль Навроцкий бұл қызметті 2025 жылдың тамыз айынан бері атқарып келеді.
Бұған дейін Варшава мен Вашингтон арасындағы ахуал мүлде басқаша болған еді. АҚШ Польшаға алдын ала жоспарланған 4000 америкалық әскери қызметкерді жіберуді күтпеген жерден тоқтатып, бұл қадам Польша үкіметінің наразылығы мен алаңдаушылығын тудырған.
Трамп Иранмен қақтығыстың тез аяқталуы мүмкін екенін айтты
Варшавамен шұғыл телефон арқылы сөйлесу барысында АҚШ қорғаныс министрі Пит Хегсет АҚШ-тың Польша қауіпсіздігі жөніндегі міндеттемелері өзгермейтінін мәлімдеді.
Айта кетейік, АҚШ-тың Әділет министрлігі Кубаның бұрынғы көшбасшысы Рауль Кастроға сырттай айып тағылғанын хабарлады. 94 жастағы Рауль Кастро және тағы бес адам америкалық азаматтарды өлтіру, кісі өлтіруге сөз байласу және бейбіт ұшақтарды жою бойынша айыпталып отыр.