Фото: Ашық дереккөз
«Мен телефонмен-ақ суретке түсіріп, 10 минутта виньетка жасап бере аламын. Оған не үшін ондаған мың теңге төлеу керек?», деді депутат.
А. Аймағамбетов мектеп бітірушілер мен ата-аналардың 11 жылдық оқу аяқталған соң есте қаларлық әдемі кеш өткізгісі келетінін түсінетінін жеткізді. Дегенмен ол Оқу-ағарту министрлігі мен Ішкі істер министрлігінің ұстанымын да ескеру қажет екенін атап өтті. Оның айтуынша, қойылған шектеулер ең алдымен қауіпсіздік пен әлеуметтік әділдік мәселесіне байланысты.
Депутат кейбір отбасылардың бітіру кешіне 1 миллион, 500 мың, тіпті 300 мың теңге көлемінде ақша сұралатынына шағымданатынын айтты.
Сонымен қатар депутат мектептегі ресми іс-шаралар тоқтатылмайтынын ерекше атап өтті. Соңғы қоңырау, салтанатты жиындар мен мектеппен қоштасу рәсімдері дәстүрлі түрде өткізіле береді.
«Осы әсерлі сәттердің ешқайсысы жойылмайды», деді ол.
Сонымен бірге депутат ересектердің бақылауынсыз кейбір түлектердің мейрамхана мен коттедждерде өз бетінше тойлауға баруы мүмкін екенін де жасырмады.
Бұған дейін, Талдықорғанда мектеп оқушысы студентті өлтірді деген күдікке ілінгені туралы хабарлағанбыз.
