Ең әуелі спортшы кубиктің түстеріне қысқа уақыт қарап алады. Сол сәтте ол кубиктің қалай «араласып» тұрғанын миына сақтайды. Кейін көзін байлайды. Одан соң қолмен ғана ұстап отырып, мида сақталған жоспар бойынша кубикті жинайды. Бір қарасаң, бұл математика сияқты. Бір қарасаң, музыка сияқты. Ең бастысы, бәрі санада жүреді.
Guinness мәліметінше, Чарли Эггинс бұған дейінгі 12 секундтық межеден асып түсті. Алдыңғы рекордты америкалық Томми Черри 2024 жылғы 11 ақпанда Сан-Диегода өткен жарыста қойған еді. Яғни, әлемдегі ең мықты кубикшілердің өзінде айырмашылық жүзден бір секундпен өлшенеді.
Жарыста тағы бір жетістік тіркелді. Сол Сиднейдегі жарыста Чарли Эггинс көзді байлап шешудің орташа нәтижесі бойынша да рекордқа теңесті. Guinness дерегінде бұл көрсеткіш 14,05 секунд екені айтылады.
Көзді байлап шешу – ойын емес, жаттығумен шыңдалатын өнер. Мұнда зейін керек. Тәртіп керек. Күн сайын қайталау керек. Ең бастысы, миға салмақ түсіруден қорықпау керек.
Осындай рекордтар балаларға да пайалы. Қолдағы қарапайым кубик кейде баланың логикасын ұштап, төзімін тәрбиелеп, тіпті әлемдік деңгейге жол ашуы мүмкін.
