Шотландия кубогының 1/16 финалында «Хартс» «Фолкиркпен» кездескен. Ойын барысында Ислам Чесноков 77-минутта алаңға қосалқы құрамнан шықты.
85-минутта футболшы қарсылас қақпасына қарай шабуыл кезінде пенальти соғылуына себепкер болды. Осы пенальтидің арқасында «Хартс» есепті теңестіріп, негізгі уақыт 1:1 нәтижесімен аяқталды.
Қосымша уақытта жеңімпаз анықталмады. Ал пенальти сериясында «Фолкирк» ойыншылары 5:4 есебімен басым түсіп, келесі кезеңге өтті.
Еске салсақ, 26 жастағы Ислам Чесноковтың «Хартсқа» ауысқаны 7 қаңтарда ресми түрде жарияланған. Бұған дейінгі матчтарда оның дебюті күтілгенімен, команда ойыны қиын өтіп, бір ойын кезінде ойыншылардың бірі алаңнан қуылғаннан кейін «Хартс» есепті сақтауға мәжбүр болған. Сол себепті Чесноков сол кездесуде қосалқы құрамда қалған еді.
