Бұл туралы халықаралық нашақорлыққа қарсы күрес күні қарсаңында полиция қызметкерлері, нарколог-дәрігерлер, үкіметтік емес ұйым өкілдері, жастар ресурстық орталығының мамандары және басқа да мүдделі қызмет өкілдері бас қосқан жиында белгілі болды.
Мамандар қаладағы қазіргі нашақорлық жағдай туралы сөз сөйлеп, емдеу-оңалту жұмыстарын таныстырып, олардың нәтижесін айтты.
Іс-шара барысында «Серғали-Түркістан» аймақтық қоғамдық бірлестігінің өкілі жастар арасында қолға алынған жобаларды, олар бойынша қайтарымсыз гранттар бөлінгенін хабарлады. Сонымен қатар азаматтар арасында есірткінің заңсыз айналымына байланысты құқықбұзушылықтар туралы анонимдік хабарламалар бойынша арнайы telegram-бот құрылғанын мәлімдеді.
Аяна Тоғанбек
