Танымал әншінің арзан көлігі

Ресейдің эстрада жұл­дызы Тима­тидің автокөлігі айып тұ­ра­ғында 11 жыл бойы «қа­мау­да» тұр­­ған­дықтан, са­­­тылымға шы­­ға­­рылатын болды. Бұл туралы әйгілі әншінің өзі Инста­грамдағы парақ­ша­сында жазып, сенімді өкілін Петропавл қаласына жіберуге уәде еткен. Ондағы мақсат – сатып құтылу, ал одан түскен қаржыны жетім балалар үйіне тапсыру. Танымал рэпердің төрт доңғалақты «темір тұлпары» теріскейге қалай «адасып» келген деген сауалға газет оқырмандары бас қа­тыр­мас үшін жауап бере кетейік. Тимати Мәс­кеу­де гастрольдік сапарда жүр­генде «Ауди ТТ» қым­бат спорттық көлігін бі­реулер үптеп кеткен. Қол­дан-қолға өтіп, бір­неше мәрте сатылған авто­көлік ақыры Қызылжар өңірінен бір-ақ шыққан. Нө­мірі жоқ, ешқандай тір­­кеуге алынбаған авто­көлікті қырағы көз тәртіп сақ­шылары байқап қалып, айып тұрағына қоюға мәжбүр болған. 11 жыл бойы иесі із­деу салмағандықтан, қаң­тарулы күйде тұра берген. Автотұрақ басшылы­ғының мәлімдеуінше, көлік қылмыстық істің заттай айғағы болғандықтан, сатуға тыйым салынған. Әйт­песе, саудаласушылардың қата­ры жыртылып айырылатын көрінеді. Ең жоғары баға 1 миллион теңге төңірегінде. Өйт­кені, жыл­дың төрт мез­гілі бойы қар­дан, жауын-ша­шын­нан көз аш­паған көліктің он е­кіде бір нұс­қа­сы қалмаған сы­ңайлы. Өмір ЕСҚАЛИ, «Егемен Қазақстан» Солтүстік Қазақстан облысы