Сапар барысында «Спортклуб Маңғыстау-Арена» көп функциялы спорт кешенінің жұмысымен танысып, күрес залын және көп функциялы залды аралап көрді.
Бұдан бөлек, Нұрсұлтан Назарбаев қаладағы спорт саласының өкілдерімен әңгімелесті. Олардың арасында қысқа қашықтыққа жүгіруден КСРО-ның бірнеше дүркін жеңімпазы, рекордшы Ә.Тұяқов, бокстан әлем чемпионаттарының және Олимпиада ойындарының күміс жүлдегері Ә.Ниязымбетов, сондай-ақ, танымал спортшылар, жаттықтырушылар мен спорт ардагерлері болды.
Спортшылар жан-жақты қолдауы мен қамқорлығы үшін Мемлекет басшысына алғыс білдірді.
Кешен демеушілердің қаражатына салынған. Онда футбол, баскетбол, волейболмен шұғылдануға, сондай-ақ, жекпе-жек сайысымен және жеңіл атлетикамен айналысуға арналған залдар бар.
