Ненад Эрич: «Қайратты» жеңу үшін барымызды саламыз

«Астана» футбол клубының қақпашысы, жаңа капитаны Ненад Эрич Қазақстан Суперкубогы үшін  «Қайрат» командасымен өтетін кездесу жайлы ой бөлісті «Бізді тартысты ойын күтіп тұрғаны анық. «Қайрат» – мықты команда. Ойыншылары да, бас бапкерлері де өз істерінің нағыз шеберлері. Ең бастысы ертең ауа райы қолайлы болса болды. Біз барымызды салуға дайынбыз», – деді Эрич. «Қайрат» командасының шабуыл шебінде ойнайтын ойыншылардың бәрі мықты. Исламхан, Аршавин, Исаэль, Гоу. Олар мүмкіндіктерін мүлт жібермейтін білікті жігіттер. Сондықтан әрқайсысынан қауіп күтуге болады. Ертеңгі ойын кімнің мықты екенін дәлелдеуге тағы бір мүмкіндік береді», – деді қақпашы. Команданың бұрынғы капитаны Таңат Нөсербаев кеткеннен кейін бұл міндет Ненад Эричке жүктелген болатын. «Қазақстанның үш дүркін чемпионы, Чемпиондар лигасы мен Еуропа лигасының топтық кезеңінде ойнаған ұжымның капитаны болу – зор мәртебе, үлкен жауапкершілік. Клуб басшылығының, команда бапкерлерінің, әріптестерімнің, жанкүйерлерміздің сенімін ақтап, ұжымды ылғи да алға жетелейтін боламын. «Еліміздегі екі мықты шабуылшы ретінде Жерар Гоу мен Джуниор Кабананганы айтар едім», – деді ол.