Қасиетті Қағба

Қасиетті Қағба мен Мәсжід Әл-Харам мешіті бейнеленген макет «Қазақстан Респуб­ликасының Тұңғыш Президенті – Елбасы кітап­ханасы» мем­лекеттік мекемесінің Инте­рак­тивті білім беру орталығында тұр. Аса құнды жәдігер алтын, күміс, гранит және мәрмәр металдардан жасалған. Оны Президент Н.Назарбаевтың Сауд Арабиясына 1994 жылы ал­ғашқы ресми сапары кезінде Сауд Арабиясының королі Фахд Бин Әбдел Әзиз Әл Сауд сыйлаған. Осыдан жиырма жыл бұрынғы деректер Араб королімен жоспарланған жарты сағаттық кездесудің екі сағатқа ұласқанын, Президент Н.Назарбаевтың Қағбаның ішіне кіру құрметіне ие болғанын мәлімдейді. Елбасы сол сапарда Мединеде де болып, Мұхаммед Пайғамбар (с.ғ.с) жерленген зират­қа кірген. Сол кезде көптен күткен жауын жауып, мұны жұртшылықтың жақсы ырымға балағанын ақпарат құралдары тебірене жазған болатын. Айгүл СЕЙІЛОВА, «Егемен Қазақстан» Суретті түсірген Орынбай БАЛМҰРАТ