Қостанай қаласындағы референдум учаскесінің бірінде ерекше көрініс байқалды. Наурыз мейрамының символы саналатын Қыдыр ата дауыс беруге келген тұрғындарды қарсы алып, олармен сөйлесіп, дәстүрлі бата берді. Ол азаматтарға, отбасыларға және елге амандық пен бірлік тілеп, мерекелік көңіл-күй сыйлады, деп хабарлайды Egemen.kz.
«Наурыз – береке мен молшылық әкелсін, отбасыларың аман болсын, ел бірлігі нығайсын!» деп бата берген Қыдыр ата халыққа жылы сөзін арнады.
Осыдан кейін ол өзі де референдум учаскесінде дауыс беріп, азаматтық белсенділіктің үлгісін көрсетті.
Учаскеге келген тұрғындар мерекелік кейіпкерді қуанышпен қарсы алып, онымен суретке түсті. Көпшілік бұл сәтті Наурыз мерекесінің рухын сезетін ерекше оқиға деп бағалады. Қыдыр атаның келуі референдум учаскесінде мерекелік атмосфера тудырып, халықтың мәдени дәстүрі мен қоғамдық өмірінің сабақтастығын көрсетті.
Астанада референдум учаскесіне робот-итпен келген қыз жұрт назарын аударды
Бұл көрініс азаматтық парыз бен ұлттық дәстүрді үйлестірген көрнекті мысал ретінде есте қалды. Референдум учаскесінде тіркелген көріністер әлеуметтік желілерде де кең таралып, жұртшылықтың қызығушылығын арттырды.
Бұған дейін Ақмола облысындағы дауыс беру учаскелерінің біріне тұрғындар бүркіт пен тазы ертіп келгенін жазған болатынбыз.