Шетелдегі қазақ жастарының арасында ғылымда, мәдениетте, бизнесте, шығармашылықта биік белестерді бағындырып жүрген дарынды буын қалыптасып келеді. Осындай зерек те талапты қазақ жастарының бірі – Иранда өмірге келген жас қаламгер Атрие Чалак.
Атрие Чалак Иранның Бендер-Түрікмен қаласында өмір есігін ашқан. Жасы жиырмада. Жуырда оның парсы тілінде жазылған тұңғыш кітабы жарық көрді. Бұл жаңалықты қазақ қоғамына сүйіншілеген Гелхор Жеменейдің айтуынша, жас қаламгердің шығармасында жастық шақтың нәзік сезімі, адамның ішкі жан дүниесіндегі толғаныс пен психологиялық арпалыс бейнеленеді.