Астанадан шығатын жолдар жабылды: Қатты аязға байланысты қозғалысқа шектеу қойылды

Астана қалалық Төтенше жағдайлар департаментінің мәліметінше, кеше кешкі сағат 20:00-ден бастап елордадан барлық бағыттар бойынша көлік қозғалысына шектеу енгізілді. Бұл шара ауа температурасының -30°C-қа дейін төмендеуіне байланысты қабылданып отыр. Тыйым салу ережесі қоғамдық көліктер мен дизельді отынмен жүретін автокөліктерге қатысты.

40 градус аяз: Ертең елдің басым бөлігінде ауа райына байланысты ескерту жарияланды

Осыған орай, «City Transportation Systems» (CTS) көлік компаниясы қала маңына қатынайтын бірқатар маршруттың қозғалысы уақытша тоқтатылғанын хабарлады. Атап айтқанда, № 305, 308, 309, 310, 312, 315, 316, 327, 328, 329-шы бағыттағы автобустар жолға шықпайды.   Еске салайық, кеше ауа райына байланысты Астанада екінші ауысымдағы оқушылар қашықтан оқыды.