Ішкі істер министрлігінде өткен алқа отырысында құқықтық тәртіп пен қоғамдық қауіпсіздікті нығайтудағы жүйелі профилактикалық және жедел жұмыс нәтижелері жарияланды, деп хабарлайды Egemen.kz министрліктің баспасөз қызметіне сілтеме жасап.
Полиция мемлекеттік нөмірін жасырған көлік жүргізушілерімен күресті бастады
9 мыңнан астам бала мен жасөспірім тәлімгерлік, спорт және профилактика бағдарламаларымен қамтылды. Бұл шаралар кәмелетке толмағандарды құқыққа қарсы әрекеттерге тарту қаупін төмендетудің негізгі құралы ретінде қарастырылады.
«23 мыңнан астам жүргізуші мас күйде көлік басқарғаны үшін ұсталып, жолдағы жүздеген трагедиялардың алдын алу мүмкін болды», делінген ІІМ хабарламасында.
Диспансерлік есепте тұрған 1787 жүргізушінің көлік басқаруына шектеу қойылды
Сонымен қатар Ұйымдасқан және трансұлттық қылмыспен күресу жұмысы айтарлықтай күшейтілді.
«Ұйымдасқан қылмыстық топтарды құру және басқару фактілері бойынша 78 қылмыстық іс қозғалды, оның ішінде 10 іс трансұлттық сипатта болған. Қылмыстық қауымдастықтардың 299 көшбасшысы мен қатысушысы қылмыстық жауапкершілікке тартылды. Заңсыз айналымнан 2,5 мыңнан астам қару тәркіленді. Қабылданған шаралар қылмыстық топтарды қаржыландыру және жабдықтау арналарының жойылуына, сондай-ақ олардың экономика мен қоғамдық қауіпсіздікке ықпалын тоқтатуға мүмкіндік берді», делінген хабарламада.
ІІМ жүргізушілерге қойылатын «жаңа талаптар» туралы қауесетті жоққа шығарды