«Қазгидромет» мамандарының болжамынша, бейсенбі, 30 қазан күні еліміздің басым бөлігінде аспанды бұлт торлайды. Дегенмен оңтүстік пен оңтүстік-шығыста жауын-шашынсыз, жайлы ауа райы сақталады, деп хабарлайды Egemen.kz.
Астанада күн ала бұлтты, жауын-шашын болмайды. Түнгі температура −2…−4 °C шамасында болса, күндіз ауа +12…+14 °C-қа дейін жылынады.
Алматыда күн ашық, түнде +7…+9 °C, ал күндізгі температура +15…+17 °C аралығында күтіледі.
Шымкентте ауа райы жылы әрі жайлы: аспан бұлтты болғанымен, жауын жаумайды. Түнде +5…+7 °C, күндіз +21…+23 °C шамасында болады.
Ақтауда жаңбыр жауып, жел күшейеді. Түнгі ауа температурасы +11…+13 °C, күндіз +15…+17 °C.
Ақтөбеде күн бұлтты, күндіз жаңбыр жауады. Түнде +5…+7 °C, күндіз +10…+12 °C.
Атырауда күн бұлтты, жаңбыр жаууы мүмкін. Түнде +10…+12 °C, күндіз +12…+14 °C.
Оралда жаңбыр мен тұман күтіледі. Түнде +6…+8 °C, күндіз +10…+12 °C.
Орталық және солтүстік облыстарда жауын-шашынсыз, алайда түнде суық түседі. Жезқазғанда күн ала бұлтты. Түнде −1…+1 °C, күндіз +15…+17 °C.
Қарағандыда түнде 1–3 градус аяз, күндіз +12…+14 °C.
Көкшетауда жауын-шашынсыз, түнде +1…+3 °C, күндіз +13…+15 °C.
Қостанайда күн бұлтты, кей уақытта жаңбыр жауады. Түнде +3…+5 °C, күндіз +12…+14 °C.
Павлодар мен Петропавлда күн ашық, түнде 0–2 °C аяз, күндіз +12…+14 °C.
Шығыс өңірлерде ауа райы тұрақты, кей жерлерде тұман түседі. Семейде және Өскеменде түнде 2–4 °C аяз, күндіз +9…+12 °C.
Ал, Талдықорғанда түнде 0…+2 °C, күндіз +17…+19 °C. Қонаевта түнде +6…+8 °C, күндіз +15…+17 °C.
Тараз бен Түркістанда түнгі және таңғы уақытта тұман түсуі ықтимал. Түнде +5…+7 °C, күндіз тиісінше +16…+18 °C және +21…+23 °C.
Қызылордада жауын-шашынсыз жылы күн күтіледі: түнде +3…+5 °C, күндіз +19…+21 °C.