Оқиға Қарасай ауданы Шамалған ауылындағы «Жаңа қазақ орта мектебінде» болған. Мәліметке сәйкес, мұғалім 11-сынып оқушысына ескерту жасап, сабаққа кіруін талап еткен. Алайда оқушы бұл жағдайды агрессивті қабылдап, педагогқа шабуыл жасап, дене жарақатын келтірген.
Құқық қорғау органдары бұл дерек бойынша қылмыстық іс қозғалғанын мәлімдеді.
«Осы факті бойынша болған оқиғаның барлық мән-жайын жан-жақты әрі объективті анықтауға бағытталған тергеу шаралары жүргізілуде», делінген өңірлік полиция департаментінің хабарламасында.
Сонымен қатар білім басқармасының хабарлауынша, мектеп әкімшілігі, аудандық бөлім және полиция органдары тарапынан алдын алу және түсіндіру жұмыстары жүргізіліп жатыр.
Нұрболат АМАНБЕК
