«Қазгидромет» мәліметінше, кей аймақтарда найзағай ойнап, жаңбыр жауып, жел күшейеді.
Астанада күн бұлтты болғанымен, жауын-шашын күтілмейді. Түнде ауа температурасы +2…+4°C шамасында болып, жер бетінде үсік байқалуы мүмкін, ал күндіз +21…+23°C-қа дейін жылиды.
Алматыда күн ашық, жауын-шашынсыз: түнде +10…+12°C, күндіз +24…+26°C болады.
Шымкентте ауа райы құрғақ әрі ыстық, күндізгі температура +30°C-қа дейін көтеріледі.
Ақтауда күн бұлтты, жаңбыр жауып, найзағай күтіледі. Мұнда түнде +7…+9°C, күндіз +14…+16°C болады.
Ақтөбеде жауын-шашынсыз, түнде +1…+3°C, күндіз +16…+18°C шамасында болмақ. Атырауда да күн ашық, температура түнде +5…+7°C, күндіз +18…+20°C аралығында сақталады.
Жезқазған, Қарағанды, Көкшетау және Павлодар қалаларында жауын-шашынсыз, күндізгі температура +21…+26°C шамасында жылы болады. Қостанай мен Петропавлда да ауа райы тұрақты, күндіз +17…+22°C аралығы сақталады.
Оңтүстік өңірлерде, атап айтқанда, Қызылорда мен Түркістанда, күн ыстық әрі құрғақ болып, ауа температурасы +30…+32°C-қа дейін жетеді. Тараз бен Талдықорғанда да күн ашық, +26…+28°C шамасында жылы болады.
Батыс өңірлердің кейбірінде, әсіресе Оралда, жаңбыр жауып, найзағай ойнап, желдің екпіні 15-20 м/с-қа дейін күшеюі мүмкін. Өскемен мен Семейде күн ашық, жауын-шашынсыз, күндіз +24…+26°C шамасында болады деп болжанған.
