Фото: gov.kz
Өскеменде 22 жастағы азамат смартфонды тергеу изоляторына жеке мақсатта пайдалану үшін тергеудегі досына беріп жіберуге тырысқан. Алайда оның әрекеті дер кезінде әшкереленді. Нанның ортасына жасырылған смартфонды қызметкерлер сәлемдемені тексеру кезінде тапты. Мекеме қызметкерлері тыйым салынған затты тәркіледі.
Қызылордада электронды білезігін үзіп тастаған сотталған түзеу мекемесіне қамалды
«Аталған факті бойынша мекеме қызметкерлері құқық бұзған азаматқа қатысты тергеудегі және сотталғандарға тыйым салынған заттарды кіргізуге және беруге жол бермеу туралы әкімшілік құқық бұзушылық туралы іс қозғалды», делінген ІІМ Қылмыстық-атқару комитеті таратқан хабарламада.
Жетісу облысында түрмеден шартты түрде босатылған азаматқа үй берілді
