Байқаудың финалы кәсіби тұрғыдан аса жоғары талаппен өтті. Қатысушылар нормативтік-құқықтық базаны терең меңгерудің дәлелі ретінде арнайы тестілеуден өтті, оқиға орнын зерделеу әдістемесін көрсетті, сондай-ақ күрделі тапсырмаларды орындай отырып, блиц турнирде өз мақтанышын қорғады. Оқиға орнындағы заттай дәлелдемелерді жинау, тіркеу және оларға дұрыс бағалау беру секілді күрделі міндеттер сарапшылар тарапынан жоғары бағаланды. Аида Жүсіпованың айтуынша, байқаудағы екінші орын – кәсіби деңгейге берілген жоғары баға ғана емес, әрі тиімді өсудің негізі. Ол ғылым мен тәжірибені үйлестіріп, аналитикалық ойлау мен тәртіпті ұштастыру арқылы криминалистикалық қызметтің маңызды қырларын меңгерген.
Қазақстанда Үндістанның IT-криминалистика саласындағы жетекші университетінің филиалы ашылады
Оқуын тәмамдағаннан кейін Аида Жүсіпова Қарағанды облысы Полиция департаментінің жедел криминалистикалық бөлімшелерінде қызмет етіп келеді. Соңғы төрт жыл ішінде ол ауыр және аса ауыр қылмыстар бойынша бірнеше оқиға орнына барып, заттай дәлелдемелерді сараптау жұмыстарын атқарды. Бұл – оның кәсіби деңгейінің нақты көрінісі.
«Криминалистикада маңызы төмен айнымалылар болмайды. Кейде көзге көрінбейтін ұсақ бөлшектің өзі қылмысты ашудың кілтіне айналады», дейді сарапшы.
