Мұндай шешім спортшының сынамасынан тыйым салынған мельдоний заты табылуына байланысты қабылданды.
Шеттету мерзімі аяқталғанға дейін қазақстандық боксшыға кез келген кәсіби немесе көрме форматындағы жекпе-жектерге қатысуға тыйым салынды. Орта салмақтағы бәсекелестіктің үздіксіздігін қамтамасыз ету және рейтингтегі үміткерлердің мүддесін қорғау мақсатында WBO уақытша чемпиондық белбеу үшін айқас өткізуге келісім берді. Бұл жекпе-жекте рейтингтің көшбасшысы Дензел Бентли мен екінші нөмірлі үміткер Энди Сааведра кездеседі.
Ұйым шешіміне сәйкес, шеттету мерзімі аяқталғаннан кейін Жәнібек Әлімханұлы уақытша чемпионмен міндетті түрде қолғап түйістіруі тиіс. Бұл талап орындалмаса, WBO регламентіне сай қосымша санкциялар қолданылуы мүмкін. Осы шешімге дейін аралық жекпе-жек өткізу қарастырылмайды.
WBO президенті Густаво Оливьеридің мәліметінше, Чемпиондық айқастар комитеті бұл шешімді бірауыздан қолдаған. Шеттету мерзімі 2025 жылдың 2 желтоқсанынан бастап есептеледі. Толық шешім мен талаптар көрсетілген ресми құжат кейінірек жарияланбақ.
Промоутер Жәнібек Әлімханұлының допинг сынамасына қатысты пікір білдірді
Айта кетейік, 2025 жылдың желтоқсан айының басында WBA чемпионы Эрисланди Ларамен үш чемпиондық белбеу үшін жоспарланған жекпе-жек алдында қазақстандық боксшының сынамасынан антидопинг ережелеріне сәйкес тыйым салынған мельдоний табылғаны хабарланған болатын.
Ресми мәлімдеме: Жәнібек Әлімханұлы мен Эрисланди Лараның жекпе-жегі өтпейді
