«2026 жылы облыс тұрғындары үшін 261 квота бөлінді. Ал өткен жылы берілген 203 квота толықтай игерілді», дейді облыстық ауруханаға қарасты «Әйелдерге кеңес» бөлімінің маманы Әсел Файзуллина.
Қазір экстракорпоральды ұрықтандыру үдерістерінің 20%-ы ғана оң нәтиже берген. Алайда нақты нәтиженің жыл ортасына қарай белгілі болатынын айтқан мамандар жасанды жолмен сәбилі болғысы келетіндердің шамамен 40%-ы перзент сүюі мүмкін деп болжап отыр.
Атырауда «Аңсаған сәби» бағдарламасымен 467 әйел сәби сүйді
«Қазір кезекте тұрғандар саны біршама азайып қалды. Былтыр кезекке 400-ге жуық адам тіркелген еді. Биыл кезекте тұрғандардың саны – 300-дің шамасында ғана. Аталған бағдарламаға қатысқан көптеген әйелдер бүгінде ана атанып, бала тәрбиелеп отыр», дейді Ә.Файзуллина.
Маманның айтуынша, 2021–2025 жылдар аралығында өңірге 1 184 квота бөлінген. Нәтижесінде 391 әйел нәрестелі болған.
