Мемлекетіміздің тұғырын нығайта түседі

Елбасының Үндеу­де айтылған баста­ма­­лары өте дер уақытында көте­рі­ліп отыр. Қазақстан Кон­с­ти­ту­ция бойынша өзін де­мо­кратиялық ел деп жа­рия­лаған. Демо­кра­тия­лық б­а­ғыттағы қа­дам­дардың өзі рет-ретімен жүргізілуге тиіс. Оны алдын ала жоспарсыз, бір­ден жүзеге асыра салуға болмайды. Көптеген елдердің демократиямен ойнаймын деп, қоғамдық тұ­рақсыздықтарға ұшырағанын кө­ріп отырмыз. Алысқа бар­май-ақ, Қазақстанға жақын орна­лас­қан, тығыз байланыстағы мем­ле­кет­тердің ішінде тез арада Ба­тыс Еуропа елдеріндегі сияқты демо­кра­­тия­лық қоғам құрамыз деп, қа­ру­лы қақтығыстарға жол беріп ал­ған мемлекеттер бар. Сондықтан бұл мәселеде абай болып, біртіндеп жұмыс жүргізу керек. Қазір еліміздің тәуелсіздік ал­ға­нына 25 жылдан асты, пре­зиденттік би­лік өкілеттігінің біраз бөлігін Үкі­мет пен Парламентке беретін кез келді. Елбасы дәл уақытында би­­лік өкілеттігін бөлуді қолға ал­ды. Әри­не, Үкімет мемлекеттік ма­­ңызға ие мәселелерді бірден ше­ше алмай­ды, оны Парламентпен ке­лісе отырып шешеді. Сондықтан бұл жерде әпербақандықпен шешім қа­былданып кететін жағдайлар бол­майды. Парламенттегі халық аты­нан сайланған депутаттар, партия­лар оны алдымен талқылап, ег­жей-тегжейлі тексеріп, сынақтан өт­кіз­г­еннен кейін ғана нақты шешім қа­былданады. Бұл – өте жақсы үрдіс. Тәуелсіздіктің жиырма бес жыл­ды­ғында Қазақстаның беделі кө­те­рілді.  Осы уақытта президенттік би­ліктің дер уақытында жыл­дам ше­шімдерді жү­зе­ге асырғаны еліміздің эко­­номикалық тұрғыда дамуына зор үлесін қосты. Әр нәрсенің уақыты болады, сол мезетте жасалған қадамдар жемісін береді, уақытын өткізіп алсақ, өмір­дің сол тұстағы үрді­сі­­не келмеуі мүмкін. Қазір осыны же­те түсінген Елбасы біраз өкі­лет­тіктерді Үкімет пен Парламентке беруді жөн көріп отыр. Қазақстан – қазір экономика­сы тұрақты, орнықты дамуға бет алған мемлекет. Сондықтан кон­с­ти­туциялық реформаларға созы­лып кететін үдеріс деп қарауға бол­майды, оған қорқынышпен қа­раудың да реті жоқ. Біздің Үкі­ме­тіміз де, Парламентіміз де талай сынақтардан өтіп, тәжірибе жи­нақтады. Қазіргі жағдайда ма­ңызды деген мемлекеттік басқару өкілдіктерін олар табысты атқаруға толықтай қабілетті. Соңғы ширек ғасыр ішінде Қазақстан үлкен жетістіктерге қол жеткізді. ЕҚЫҰ-ға төрағалық жа­сады, Шанхай ынтымақтастық ұйы­м­ының, Еуразиялық эко­но­ми­калық одақтың белсенді мүшесі бол­ды. 2017 жылдан бастап БҰҰ Қау­іпсіздік Кеңесінің тұрақты емес мүшесі. Мұның барлығы Қазақстан­ның жан-жақты жетілген, әлем ел­де­рі­мен терезесі тең, дамыған мем­ле­кет екендігінің айқын дәлелі. Кон­ституциялық реформа, түптеп кел­генде, тәуелсіздігімізді нығайта тү­седі. Елбасы осы бағыттағы өте дұ­рыс шешімдерді қолға алды деп са­наймын. Мұрат ЖҰРЫНОВ, Ұлттық ғылым академиясының президенті