Қазақстанның 5 өңірінде жолдар жабылды

3 қаңтар күні ауа райының бұзылуына байланысты «Астана-Көкшетау» трассасы жабылды. «Қазавтожол» РМК-ның мәліметтері бойынша, Ақмола облысында сағат 15-00-ден бастап, ауа райының бұзылуына байланысты (бұрқасын, жол көрінісінің шектеулігі) «Жезқазған-Петропавл» (377-440 км) автожолының бойында барлық көлік құралдары үшін қозғалыс тоқтады. Қостанай облысында сағат 12-15-тен бастап, бұрқасының салдарынан «Әулиекөл-Жолдама» (0-257 км) жолының облыстық маңыздағы бөлігінде барлық көліктер үшін қозғалыс тоқтатылды. Павлодар облысында сағат 12-00-ден бастап, облыстық маңыздағы «Павловка-Галицкое» (0-40 км), «Шақат-Восточное-Шалдай» (0-121 км) жолының бөлігі барлық көлік түрлері үшін жабық. Алматы облысында сағат 19-00-ден бастап (2 қаңтар), ауа райының бұзылуына байланысты (бұрқасын, жол көрінісінің шектеулігі) облыстық маңыздағы «Талдықорған-Қапал» (0-76 км) мен «Сарыөзек-Қоғалы» жолдарының бойы барлық көлік құралдары үшін жабылды. Шығыс Қазақстан облысында сағат 17-30-дан бастап, ауа райының бұзылуына байланысты (бұрқасын, жол көрінісінің нашарлауы) республикалық маңыздағы «Семей-Қайнар» (8-284 км) мен (Өскемен-Семей) (150-198 км, Семей- Шүлбі), облыстық маңыздағы «Семей-Қарауыл» (4-80 км), «Дмитриевка-Бородулиха-Шемонайха» (0-87 км) «Бородолуха-Жезкент» (0-49 км) жолдары барлық көлік құралдары үшін жабық.