Әлем балаларын мәдениет жақындастырады

Аталмыш жоба 1990 жыл­дан бастап балалар шығар­машылығы арқылы мәдениеттер арасындағы келісімді орнату және қорғау мақсатында жұмыс істеп, білім және мәдениет саласындағы ЮНЕСКО бағдар­ламаларын дамытып келеді. 

Айта кетсек, «Mitsubishi Asian Children’s Enikki Festa» жобасын жыл сайын «Mitsubishi» корпорациясының қоғаммен байланыс жөніндегі комитетінің қолдауымен Жа­по­ния ұлттық ЮНЕСКО ассоциациялары федерациясы және Азия-Тынық мұхиты аймағының ЮНЕСКО клубтары мен ассо­циацияларының федерациясы ұйымдастырып отырады.

«Mitsubishi Asian Children’s Enikki Festa 2017-2018» жоба­сының жаңа топтамасын бас­тау қарсаңында өтіп жатқан бұл көрмеде Бангладеш, Бутан, Бруней-Даруссалам, Вьетнам, Үндістан, Индонезия, Камбоджа, Қытай, Корея, Лаос, Малайзия, Мальдив, Моңғолия, Мьянма, Непал, Пәкістан, Сингапур, Қытайлық Тайпей, Тайланд, Тимор-Лесте, Филиппин, Шри-Ланка және Жапония елдерінің 2015-2016 жылғы жоба жеңім­паздарының картиналары ұсы­нылды. Сон­дай-ақ, финалға шық­қан қазақ­стандық сегіз же­ңім­паз­дың әсерлі жұмыстары да көр­меге келу­шілер ықыласына бөленді.

Іс-шараға Алматыдағы ЮНЕСКО кластерлік бю­ро­сы­ның директоры Андрей Шевелев, Қазақстанның ЮНЕСКО және ИСЕСКО істері жөніндегі Ұлттық комиссиясының жә­не Мемлекеттік Орталық му­зейі өкілдері қатысып, бай­қау­ға атсалысқан жет­кін­шектерге шығармашылық шыңдалу мен жетістіктер тілесті, еліміздің жар­қын болашағына деген үміт­терін білдірді.

Аталмыш жобаның алма­тылық үш жеңімпазына естелік сыйлықтар берілсе, ЮНЕСКО клубтарының жаңа мүшелеріне ресми түрде клуб мүшелігінің паспорты мен төсбелгісі табыс етілді. Көрме көрермендер назарына 14 сәуірге дейін ұсы­нылмақ.

Мира БАЙБЕК,
«Егемен Қазақстан»
АЛМАТЫ