«Қазақ қымызы» қауымдастығы құрылды

Ертеден астың адалдығына мән берген халық жылқы еті мен сүтін саламатты өмір салты үшін де пайдаланған. Қымыздың қасиетін терең түсінген ата-бабаларымыз сонау қиын-қыс­тау кезеңдерде де ұлттық сусын­нан қол үзіп кеткен жоқ. Қамбар ата түлігінің қадір-қа­сиеті де төрт құбыламызды түг­ен­деп тұ­р­­ғандай. Бірақ соңғы кез­дері «қымызды немістердің па­тент­­тегені» туралы әңгімелер де айты­лып қалып жүр еді. Алайда ғ­а­сырлар бойы қазақтың қанына сің­ген қасиет өзінің игілігімен де ұлттың болмысынан алыстама­сы анық. Жері шұрайлы Жамбыл өңірі – ауыл шаруашылығы үшін де өте қолайлы мекен. Әсіресе жаз жай­лауы, қыс қыстауы жылқы ма­лына жайлы. Сондықтан да об­лыста ұлттық сусынның бәсі жоғары. Осы сөзіміздің дәлелі, жуырда ғана облыстың қымыз өндірушілері бір ұйымға бірігу жөнінде ортақ ұйғарымға келіп, нәтижесінде ұлттық өнім түрін өндірушілердің «Қазақ қымызы» қауымдастығы құрылды. Жалпы, мұндай ұйым құру ту­­ралы бастама өткен жылы қы­­мыз өндіруші кәсіпкерлер мен шаруа қожалықтары жетек­ші­­лері арасында да көтерілген бо­­латын. Қазіргі таңда бұл бас­та­ма облыстан қолдау тауып, ша­руашылық жайын ша­рық­та­тып келеді. Қымыздың мың да бір түрлі ау­руға ем екені ықылымнан бел­гілі. Сондай-ақ, саламатты өмір сал­тын ұстануға да үлкен сеп. «Ауырып ем іздегенше, ауыр­мау­дың жолын іздейтін» ха­лық­тың да ұлттық брендке деген сұ­ранысы жоғары болады деген үміт зор. Алмания мемлекеті сыра фес­ти­валін өткізумен, ал Үндістан үн­ді шайын өндірумен аты шық­қан елдер санатында. Әрбір ел­дің өзіндік ерекшелігі мен қол­т­аң­басы бар. Ал қазақтың маң­дай­ына бұйырған, талайына сый бо­лып тартылған қымыздың жө­ні бір басқа. Хамит ЕСАМАН, «Егемен Қазақстан» ТАРАЗ