Еуропа чемпионатынан Францияға 1,2 млрд еуро пайда түскен

Еуро-2016 чемпионатынан Францияға 1,2 миллиард еуродан астам қаржы түскен. Бұл туралы ҚазАқпарат хабарлады. Лимож университетінің спорт құқығы және экономикасы орталығы мен KENEO агенттігі бірлесе жүргізген зерттеулер барысында Еуропа чемпионаты кезінде Франция экономикасына 1,22 миллард еуро түскен. «Еуро-2016» финалдық додасына алғаш рет 24 құрама қатысып, Еуропа чемпионаты кезінде Франция қалаларында әрбір құраманың ойыншылары, жаттықтырушылары, әр түрлі саладағы қызмет көрсетушілері, әр елдің ресми тұлғалары, сондай-ақ 613 мың көрермен қыдырып келген. Шетелден келген қонақтар орташа есеппен Францияда 7,9 күн болып, күніне 154 еуро жұмсаған. Жалпы алғанда Еуропа чемпионатына келген қонақтар бұл елге 625,8 миллион еуро шығындалған. Турнир экономикалық тұрғыдан алғанда өте сәтті аяқталған. Кәрі құрлық додасына дайындалған кезде Франция экономикасынан 200 миллион еуро жұмсалған екен. «EURO-2016 SAS» президенті Жак Ламбердің айтуынша кіріс шығыстан асып түскен.