Мұнайлы шаһардағы мектептердің оқушылары 15 қаңтарда сабақты қашықтан оқитын болды. Бұған ауа-райының нашарлауы себеп болып отыр, деп жазады Egemen.kz.
«Атырау қаласында қолайсыз ауа-райына байланысты 71 мектептің 0-11-сынып оқушылары бір күн онлайн форматта білім алады. Мектепке дейінгі білім беру мекемелері әдеттегі режимде жұмыс істейді. Ата-аналарға балалардың денсаулығы мен жолдағы қауіпсіздік талаптарын ескеріп, жағдайға байланысты шешім қабылдау ұсынылады», деп хабарлады қалалық білім бөлімі.
Айта кетейік, 14 қаңтар күні де оқушылар онлайн оқыды.